Интересот кај македонските граѓани за набавка на стари возила не стивнува. Само во месец октомври годинава набавени се рекордни 1.530 возила што го исполнуваат Еуро 2 стандардот. Од Царинската управа на Македонија потврдуваат дека интересот продолжува и дека бројката од над 1.500 увезени употребувани возила е 5,5 пати повеќе отколку истиот месец лани. Според Ѓорѓи Наумовски, раководител на Секторот за контрола на увозот при Царинската управа, стандардот Еуро 2 овозможува увоз на стари возила до 16 години, но со подобри перформанси во однос на возилата со Еуро 1 стандардот. Годинава до први ноември оцаринети се 7.343 стари возила и 6.069 нови возила - вели Наумовски...
Интересот кај македонските граѓани за набавка на стари возила не стивнува. Само во месец октомври годинава набавени се рекордни 1.530 возила што го исполнуваат Еуро 2 стандардот.
Од Царинската управа на Македонија потврдуваат дека интересот продолжува и дека бројката од над 1.500 увезени употребувани возила е 5,5 пати повеќе отколку истиот месец лани. Според Ѓорѓи Наумовски, раководител на Секторот за контрола на увозот при Царинската управа, стандардот Еуро 2 овозможува увоз на стари возила до 16 години, но со подобри перформанси во однос на возилата со Еуро 1 стандардот.-Годинава до први ноември оцаринети се 7.343 стари возила и 6.069 нови возила - вели Наумовски. Тој потсетува дека најголем број на царинења имало во септември и јули, а најмалку во јануари и февруари бидејќи тогаш се уште не беше донесена владината одлука со која се дозволи увоз на стари возила до 18 години и со Еуро 1 стандард.
Од 13 март годинава, Владата не само што ја зголеми старосната граница за увоз на половни возила, туку ги коригираше и акцизите и царините, значително ги намали давачките за увоз на стари автомобили, но и значително ја поедностави постапката за царинење.-Акцизата се пресметува врз основа на вредноста на возилото. За возила со помала вредност од 3.000 евра не се плаќа акциза, за возила до 4.000 евра акцизата е 0,5 отсто, а за автомобили до 5.000 евра е 1 отсто - потсетуваат од Царинската управа.
Со измена на Законот за царинска тарифа, царинската стапка за увоз на употребувани возила падна од 10 на 5 проценти, а за возила произведени во Европската унија од 2 на 1 отсто. За примена на намалена стапка потребен е доказ за потекло или изјава во фактурата според која е набавено возилото.
Министерот за финансии и вицепремиер, Зоран Ставрески, најави дека дел од новата законска регулатива е од први јануари 2011 година царинската стапка за возилата од ЕУ да биде нула.Од увозот на старите автомобили досега во државната каса се инкасирани околу 10 милиони евра.
Во Царината располагаат и со податоци за увозот на моторни возила за превоз на стоки, при што е утврдено дека за десет месеци годинава увезени се само 794 нови возила, наспроти 2.369 употребувани.-Од моторни возила за превоз на десет или повеќе лица, вклучувајќи го и возачот, набавени се 535 употребувани возила, а само 15 нови - вели Наумовски. Според него, најголем увоз од сите видови на возила: старо-нови, патнички, за превоз на стоки или повеќе лица, во септември е достигната бројка од 9.483, а вкупнот износ за првите 10 месеци од годинава изнесува 57.125 возила.